Игорь Шквирин: "Йованович шунчаки тўпни дарвозага киритиши керак эди"
02 aug 2015 22:22
News

Игорь Шквирин: "Йованович шунчаки тўпни дарвозага киритиши керак эди"

"Олмалиқ" - "Пахтакор" (1:2) учрашувидан кейин ташкил этилган матбуот анжуманида мезбонлар бош мураббийи Игорь Шквирин иштирок этди.

"Бугун майдонда кескин кураш кечди ва учрашув қизиқарли ўтди. Бундай баҳслар футболимиз учун фақат фойдали. Шундай беллашувлар сони қанча кўпроқ бўлса, шунчалик яхши. Баҳсни ёмон бошладик ва майдон марказда деярли ўйнамадик.

“Пахтакор” биз камчилик бўлиб қолгунга қадар устунлик қилди. Кейин эса яхшироқ ўйнадик. Бироқ иккинчи бўлимда кучимиз етмай қолди. Бўлим бошида яхши вазиятларни юзага келтирдик, бироқ ҳужумни якунлаш чоғида тўғри ўйнамадик. Омад етишмади деб ўйламайман.

Йованович гол урмаган ҳолатда унга маҳорат етишмади. Шунчаки тўпни тепиши керак эди. Агар у тўп киритганида ўйин умуман бошқача кечиши мумкин эди", - дейди Шквирин.

Link :

Source : championat.asia

Receive latest football news directly on your phone. Subscribe for our Telegram channel!

Rating: +4