Игорь Шквирин: "Луис Суарес яқин орада Ўзбекистонда ўйнамаса керак"

"Ўйин оғир ўтди. Осон бўлмаслигини кутгандик. "Қўқон-1912" муносиб рақиб. Ғалабадан мамнунмиз", - дейди Шквирин.

"Павленко ва Пиримовни майдонга туширишни олдиндан режалаштиргандик. Улар орқали ўйинни кучайтиришни ўйлагандик. Улар томонидан яратилган гол жуда чийроли чиқди деб ўйлайман. Балки Пиримов яна шундай вазиятдан гол ура олмас, лекин ўтган турда ҳам биз деярли шундай гол ўтказгандик".

Одатда ҳимоячиларни алмаштиришмайди. Шу боис тўлиқ тайёр бўлмаган ҳимоячиларни майдонга туширмадим.

Албатта, март ойининг энг яхши мураббийи деб топишганидан хурсанд бўлдим. Аммо жамоамнинг ғалабаси мен учун энг биринчи ўринда туради.

Мурзоев Қозоғистонда ўйнаб келди. Марказий ҳужумчи гол уриши керак тўғри, у ҳаракат қилмоқда. Аммо ҳаддан ортиқ хоҳлаши натижасида тўп кирита олмаяпти. Луис Суарес кўп гол уришини биламан. Аммо менимча у яқин орада Ўзбекистонга келмаса керак (кулади).