Игорь Шквирин: "Фарғоналик мухлисларини янги стадион билан табриклайман"
08 jun 2015 10:57
News

Игорь Шквирин: "Фарғоналик мухлисларини янги стадион билан табриклайман"

"Нефтчи" - "Олмалиқ" баҳсидан сўнг ташкил этилган матбуот анжуманида меҳмонлар устози Игорь Шквирин ҳам иштирок этиб,ўйин ҳақида фикрларини билдириб ўтди.

- Фарғоналик мухлисларини янги стадион билан табриклайман. Ўйинга келадиган бўлсак, бугун марказда футболчиларимиз тўпни кўп йўқотди, дарвозабон ҳам ишончни оқлай олмади. Жамоамиз футболчилари футбол ўйнашдан кўра, кўпроқ гап сотишди. Ҳамма ўз ишини қилгани яхши - дея гап бошлади Игорь Анатольевич.

- Айни дамда бу икки жамоа ҳам турнир жадвалида тўртинчи ўрин учун ва Чемпионлар лигаси учун курашяпти. Бугун олти очколик ўйин бўлди деб ўйламайман. Олдимизда жуда кўп ўйинлар кутиб турибди. "Нефтчи" ҳам бизнинг уйимизда меҳмон бўлади.

- "Нефтчи" баъзи ўйинларда ёпиқ ўйин кўрсатаётган эди, аммо бу учрашувда улар ҳужумкор ўйинни намойиш этди. Фарғоналиклар бугу 8 голни ўтказиб юборишди. Бизникилар эса кўп гол уради ва кўп қўйиб юбораяпти - дейди Шквирин.

Link :

Source : championat.asia

Receive latest football news directly on your phone. Subscribe for our Telegram channel!

Rating: