Игорь Сергеев: "Якуний натижани инобатга олмаганда, яхши ўйин бўлди"
14 apr 12:50
News

Игорь Сергеев: "Якуний натижани инобатга олмаганда, яхши ўйин бўлди"

Суперлиганинг 5-туридан ўрин олган "Пахтакор" – "Андижон" (2:3) учрашувидан сўнг мезбонлар ҳужумчиси Игорь Сергеев ўз фикрлари билан ўртоқлашди.

"Якуний натижани инобатга олмаганда, яхши ўйин бўлди. Ўтган ўйинлар ҳақида гапиришни истамайман. Бугун яхши ўйнадик. Стандарт вазиятларда иккита хатога йўл қўйдик ва улар ҳалокатли оқибатларга олиб келди. Умуман олганда, биз яхши ўйнадик.

Ҳа, хатоларга йўл қўйдик, лекин бугун шиддатли ва қизиқарли ўйин бўлди, буни тан олиш керак. Ўйлайманки, мухлисларга ҳам ўйин манзур бўлди, натижадан ташқари албатта. Шундай ҳисобда ютқазиш, албатта, ачинарли ва афсусланарли ҳол. Нима қилиш керак? Ҳаракат қиламиз, камчиликларни тузатиб, олдинга қадам ташлаймиз ва кейинги ўйинларда имкон борича бор кучимизни сарфлаймиз", деди 31 ёшли футболчи.