Игорь Сергеев: "Бухороликларга тушкунликка тушмасликларини тилайман. Буни ҳаёт, буни футбол дейдилар"
11 may 12:43
News

Игорь Сергеев: "Бухороликларга тушкунликка тушмасликларини тилайман. Буни ҳаёт, буни футбол дейдилар"

Суперлиганинг 9-туридан ўрин олган "Пахтакор" – "Бухоро" (6:0) учрашувидан сўнг мезбонлар ҳужумчиси Игорь Сергеев ўз фикрлари билан ўртоқлашди.

"Гарчи ҳисоб йирик кўриниш олган бўлса-да, ўйин кескин руҳда ўтди. Учрашув шиддати юқори бўлмаса-да, "Бухоро" барибир қаршилик кўрсатди. Осон ўйин деб бўлмайди, анча кураш бўлди. Худога шукр, ғалаба қозондик. Мухлисларга раҳмат, жамоадошларимга раҳмат, улар ҳисоб 2:0 ёки 3:0 бўлганида ҳам қўл силтамай, охирги дақиқагача ўйнашга ва гол уришга ҳаракат қилишди. Бухороликларга ҳам тушкунликка тушмасликларини тилайман. Буни ҳаёт, буни футбол дейдилар, уларга энг эзгу тилакларимни билдираман.

Таркибдаги ўзгаришлар нима биландир боғлиқми ёки йўқми, бу ҳақда билмайман. Мен ўйинчиман ва бундай нарсалар ҳақида гапириш ҳуқуқим йўқ. Бундай саволларга жавоб бериш менинг вазифам эмас", деди 32 ёшли футболчи.

Link :

Source : championat.asia

Receive latest football news directly on your phone. Subscribe for our Telegram channel!

Rating: +5