IFFHS таснифига кўра йилнинг энг яхши ҳаками аниқланди
26 nov 2019 00:54
News

IFFHS таснифига кўра йилнинг энг яхши ҳаками аниқланди

Халқаро футбол статистикаси ва тарихи федерацияси (IFFHS) "2019 йилнинг энг яхши ҳаками" номинацияси ғолибларини эълон қилди.

Эркак ҳакамлар орасида 43 ёшли словениялик Дамир Скомина ғолиб бўлди. Жорий йил Скомина "Ливерпуль" ва "Тоттенхэм"(2:0) клублари ўртасидаги ЕЧЛ финалида ишлаганди. Словениялик рефери 1987 йилда таъсис қилинган мукофотни қўлга киритган 19-инсонга айланди.

Скомина сўровномада 136 овоз билан биринчи ўринни эгаллаган бўлса, кейинги ўринларни Феликс Брих (129), Бьорн Куйперс (61) ва Жанлука Рокки (58) эгаллашди. Бешинчи ўрин эса туркиялик Жунейт Чакирга (47) насиб қилди.

Стефани Фраппар энг яхши аёл реферига айланди. Эслатиб ўтамиз, франциялик ҳакам "Ливерпуль" ва "Челси" жамоалари ўртасидаги Европа Суперкубоги ўйинини бошқарганди.