IFFHS: Ўзбекистон олий лигаси жаҳонда 69-ўринда
29 jan 2014 14:13
News

IFFHS: Ўзбекистон олий лигаси жаҳонда 69-ўринда

Халқаро футбол тарихи ва статистикаси федерацияси (IFFHS) сайти миллий чемпионатларнинг 2013 йилги рейтингини тузиб чиқди.

Унга кўра Ўзбекистон олий лигаси жаҳонда 69-ўринда қайд этилган. Сайт вакилларининг ҳисоб-китобига кўра олий лига 299,50 очкога эга. 2012 йилги рейтингда чемпионатимиз 54-поғонада эди.

Умумий рейтингда Испания примероси пешқадамликни сақлаб қолган. Бу чемпионат ҳисобида 1155 очко мавжуд. Уч поғона кўтарилган Англия чемпионати эса иккинчи ўринга чиқиб олган - 1128 очко. Германия бундеслигаси учинчи ўринни ҳеч кимга бермаган - 1056 очко.

МДҲ чемпионатлари орасида энг юқори ўринда Россия премьер лигаси ўрин олган - 8-ўрин. Икки нафар ҳамюртимиз тўп тепаётган бу чемпионат 2012 йилда 19-поғонада эди. Осиё қитъасида эса Жанубий Корея К-лигаси пешқадам. Корейслар миллий чемпионати 15дан 23-ўринга тушиб кетганига қарамай ҳамон қитъада биринчи.

Тўлиқ рейтинг билан IFFHS сайтида танишиб олиш мумкин.

Link :

Source : championat.asia

Receive latest football news directly on your phone. Subscribe for our Telegram channel!

Rating: