Ибрагимович неча ёшгача футбол ўйнай олиши мумкинлигини айтди

“Милан – менинг иккинчи уйим. Бу мен учун шунчаки иккинчи шаҳар эмас, балки айнан иккинчи уйимдир.  У ерда ўтказган вақтим ажойиб хотираларга бой. Агар менга катта лойиҳага эга жамоа таклиф билан чиқса,  шу даражада 50 ёшгача ўйнашим мумкин.

Мен эндигина Лос-Анжелесдаги фантастик кечган саргузаштимни якунладим. Энди икки дунёнинг иккита қаҳрамони бор: мен ва Жузеппе Гарибальди“, - дейди Ибрагимович.

Златаннинг сўнгги клуби “Лос-Анжелес Гэлакси“ бўлди ва томонлар ҳамкорликни давом эттирмасликка қарор қилишди. 2020 йил 1 январда 38 ёшли ҳужумчи расман эркин агентга айланади.