Ибрагимович “Милан”га қайтиши сабабини изоҳлади

38 ёшли футболчи италияликлар билан жорий мавсум сўнгига қадар шартнома тузди ва бу келишув томонларнинг розилиги билан яна бир йилга узайтирилиши мумкин.

“Ўзим ҳурмат қиладиган жамоа, ўзим ёқтирадиган шаҳарга қайтганимдан хурсандман. Жамоадошларим билан вазиятни ўзгартириш учун ҳаракат қиламан. Олдимизга қўйилган мақсадга эришиш учун ҳамма нарсага тайёрман”, деди Ибрагимович “Милан” клуби расмий сайтига берган интервьюсида.

Златаннинг сўнгги клуби “Лос Анжелс Гэлакси” клуби бўлганди. Ҳужумчи бу клубда 2018 йилнинг мартидан 2019 йилнинг ноябрига қадар тўп тепди. Жорий мавсумда Златан MLS (Шимолий Америка футбол лигаси)да 31 учрашувда майдонга тушиб, 31 та гол урди ва 8 та голга ассистентлик ыилди.

Эслатиб ўтамиз, Ибрагимович 2010-2012 йилларда ҳам “Милан”шарафини ҳимоя қилган. У қизил-қоралар таркибида Италия А сериясида чемпионлик ва мамлакат Суперкубогини қўлга киритган.