Ибрагимович "Милан" махсус маслаҳатчиси этиб тайинланади
09 nov 2023 18:18
News

Ибрагимович "Милан" махсус маслаҳатчиси этиб тайинланади

"Милан" собиқ ҳужумчиси Златан Ибрагимович клубга махсус маслаҳатчи ёки ташқи маслаҳатчи сифатида қайтади.

Бу ҳақда "Football Italia" хабар бермоқда.

"La Stampa" газетасининг ёзишича, 42 ёшли швецияликнинг вазифаларига нафақат жамоа билан мулоқот қилиш, балки трансфер сиёсати ва клубнинг ёшлар масалалари бўйича ваколатлар ҳам киради. У, шунингдек, жамоа ва директорлар ўртасидаги боғловчи бўлади. Бу клубнинг амалдаги бош директори, 2022 йилнинг ноябрида лавозимга тайинланган италиялик Жоржио Фурланининг ишини камайтиради.

"Calciomercato " хабарига кўра, "Милан" ва Ибрагимович ҳозирда ҳамкорликнинг якуний тафсилотларини муҳокама қилишмоқда ва тез орада тайинлов ҳақида расман эълон қилишади. Бу 11 ноябрь куни "россонери"нинг "Лечче"га қарши А Серия сафар ўйини олдидан содир бўлиши мумкин.

Link :

Source : Football Italia

Receive latest football news directly on your phone. Subscribe for our Telegram channel!

Rating: +4