Ибрагимович: "Мессининг ЖЧ чемпиони бўлиши аниқ"

Аргентина ва Франция терма жамоалари Қатарда бўлиб ўтаётган Жаҳон чемпионати якуний ўйинида илк бор ўзаро финалда тўқнаш келади. Улар мундиалларнинг бошқа босқичларида 3 бор куч синашишган. 18 декабда бўлиб ўтадиган ўйин "уч ранглилар" юлдузи Киллиан Мбаппега иккинчи жаҳон чемпиони титулини келтириши ёки Аргентина термаси етакчиси Лионель Мессининг орзусини ушалтириши мумкин.

Ўйин олдидан ўзига хос фикрлари билан ажралиб турувчи Златан Ибрагимович Жанубий Америка вакилини қўллашини билдирди: 

"Ўйлашимча, Жаҳон чемпионати кубогини Месси боши узра кўтариши аниқ бўлиб бўлди".

Швециялик афсонавий футболчи Аргентина супер юлдузи туфайли жанубий америкаликларнинг учинчи юлдузчани қўлга киритишини истаётгани айтиб ўтди.

Златан Ибрагимович ва Лионель Месси биргаликда 2009-2011 йилларда "Барселона" шарафини ҳимоя қилишган.