Ибрагимович: "Мен - Златанман! Бошқаларга ўхшашни истамайман"

"Барселона"даги биринчи кунларимдаёқ Пеп менга жамоа футболчилари меники каби тезюрар спорт машиналарида юрмасликлари, содда ва оддий ҳаёт тарзи юритишлари лозимлигини айтганди.

"У мендан ўзимни оддий бир йигит деб тасаввур қилишимни истарди. Бироқ мен Златанман! Мен бошқалардек бўлгим келмайди. Улардан ажралиб туришни истайман. Индивидуал бўлгим келади. Гвардиола буни қабул қилолмади.

Мен кофе ичадиган хонамизга киришим билан, у чиқиб кетарди. Йўлакчада мени кўриб қолса, ерга қараб ўтиб кетарди. Бу эркакча ишмас. У жаҳоннинг энг кучли мураббийи бўлмайдими, менга бунинг мутлақо қизиғи йўқ. 

Бир кун мен индамай тура олмадим ва кийим алмайтириш хонасида унга шуларни ҳаммасини айтдим. Аммо хаттоки шунда ҳам, у мен билан гаплашмади. 

Мени тўғри тушунинг, мен Месси ва Иньестани хурмат қиламан. Улар тўп билан ҳайратланарли ишларни амалга ошира олишади. 

"Бироқ улар шундай таъсирчан, шундай индамас ва одобли болаларки... Ҳар доим уларга нима дейишса, шуни қилиб кетаверишади. Ҳеч қачон бахслашишмайди ҳам", дея The Timesга асосланиб, Goal.com Ибрагимовичдан иқтибос келдирмоқда.