Ҳусниддин Ғофуров олимпия терма жамоасидан таклиф олди
25 nov 2015 23:02
News

Ҳусниддин Ғофуров олимпия терма жамоасидан таклиф олди

Хабарингиз бор, кейинги ҳафтада Виктор Жалилов бошчилигидаги Ўзбекистон олимпия терма жамоаси январь ойидаги Осиё чемпионатига тайёргарликни бошлайди.

30 ноябрда Тошкентда йиғиладиган жамоа 2-14 декабрь ва 19-28 декабрь кунлари Дубайда йиғин ўтказади.

Ушбу йиғинга Сербиянинг "Явор" клубида ўйнаётган ҳамюртимиз Ҳусниддин Ғофуров таклиф этилган. Олинган маълумотларга кўра, йиғинга 30 нафар футболчи чақирилган.

2-9 январь кунларига мўлжалланган якуний йиғин ҳам Дубайда ўтиши мўлжалланган. Кейин олимпиячиларимиз Дохага йўл олади ва 13 январда Жанубий Корея олимпия терма жамоасига қарши учрашув билан Осиё Кубогидаги иштирокини бошлайди.