Ҳумоюн Муртазоев: "Олий лигада ҳам тўпурар бўлмоқчиман"

- Ҳумоюн сиз бир неча йилдан буён ёшлар лигаси тўпурари ҳисоблансиз. Бу йилда эса биринчи лигадаги "Машъал-2"да ҳаракат қилмоқдасиз. Бу нима билан боғлиқ.

Ортда қолган уч йилда фақат ёшлар лигасида тўпурар бўлиб келдим. "Шуртан" сафида 2011 ва 2013 йилда фақат ёшлар лигасида майдонга тушдим. Фақатгина 2013 йилнинг охирги учрашувларида асосий таркибда ҳаракат қилдим. Ёшлар лигаси билан олий лига ўртасида катта фарқ бор. олий лигага ўтиш учун кўпроқ ўйин амалиёти керак эди. Шу боис "Машъал-2" жамоасини танладим. "Шуртан" биринчи лигага тушиб кетгандан сўнг ҳам жамоада қолсам бўлар эди лекин менга "Машъал-2" маъқул келди. Бу жамоада ёшлар таркибидаги яхши учрашувлар орқали асосий таркибга ўтиш мумкин.

- Ёшлар лигасида мунтазам барқарор ўйин кўрсатиб келаётган ҳужумчига нега асосий таркибдан жой топилмайди деб ўйлайсиз?

Бу борада мураббийлар фикри бошққача. Ёшлар лигаси билан асосий таркиб ўртасида фарқ бор. Кам-кам ўйнаб амалиётни ошириш керак. “Шуртан”да иккинчи мавсум майдонга тушиб келдим. Афсуски, “Шуртан” олий лигани тарк этди.Бу йилнинг иккинчи мавсумини олий лигада ўтказиб ўзимни кўрсатмоқчиман. Мақсадим ҳам олий лига тўпурари бўлиш.