Ҳумоюн Муртазоев: "Машъал"нинг мақсади - Суперлига. Унгача тўхташ йўқ"
12 may 2018 09:13
News

Ҳумоюн Муртазоев: "Машъал"нинг мақсади - Суперлига. Унгача тўхташ йўқ"

ПРО-лиганинг 8-туридан ўрин олган "Шўртан" - "Машъал" (1:2) учрашувидан сўнг меҳмонлар ҳужумчиси Ҳумоюн Муртазоев ўз фикрларини билдирди.

"Аввало ғалаба билан барча жамоамиз аъзолари ва дўстларимни қолаверса "Машъал" муҳлисларини чин қалбимдан табриклайман. Муборакда "Сурхон", Ғузорда эса "Шўртан" мағлуб этилди. Ҳар иккала баҳс ҳам жуда қийин ва оғир кечди.
Муборакда мағлуб бўлиб тургандик аммо ҳеч қайси футболчи ўша лаҳзаларда умуман тушкунликка тушмади. Якунда биз иккита тўп киритдик. Умуман бизнинг мақсадимиз Суперлига, унгача тўхташ йўқ. Ҳеч баҳс биз учун осон бўлгани йўқ. Барча жамоалар "Машъал" билан учрашувга алоҳида тайёргарлик кўришгандек. Эндиги баҳсда Муборакда "Орол"ни қабул қиламиз. Ушбу баҳсда ҳам ғалаба қозонишга ҳаракат қиламиз ва мухлисларимизни хурсанд қиламиз деган ниятдамиз", - дейди Муртазоев.

Дилшод Сафаров ёзиб олди