"Ҳумо" хоккей клуби ўйини муносабати билан "Олимпик" – "Андижон" баҳси 17:00 да ўтказиладиган бўлди
30 mar 2023 14:51
News

"Ҳумо" хоккей клуби ўйини муносабати билан "Олимпик" – "Андижон" баҳси 17:00 да ўтказиладиган бўлди

Coca Cola Суперлигаси 4-туридан ўрин олган "Олимпик" – "Андижон" учрашуви вақти ўзгартирилди.

Беллашув 3 апрель куни "Жар" стадионида бўлиб ўтади. Аввалроқ Лига унинг стартини 18:00 га режа қилганди. Бироқ кейинчалик "Спорт" телеканали ўйин вақтини ўзгартириш юзасидан таклиф билан чиқди.

3 апрель куни, шунингдек, пойтахтимизда хоккей бўйича Қозоғистон Про лигасининг финал учрашуви бўлиб ўтади. Шундан келиб чиқиб, "Спорт" Тошкентнинг "Ҳумо" жамоаси иштирокидаги беллашувни ҳам жонли эфирга олиб чиқишни режа қилган.

Ўзбекистон Профессионал футбол лигаси ўйин вақти масаласида "Олимпик" ва "Андижон" футбол клублари раҳбариятини аввалдан хабардор қилди.

Шу тариқа, "Олимпик" – "Андижон" баҳси 17:00 да бошланади.

Link :

Source : pfl.uz

Receive latest football news directly on your phone. Subscribe for our Telegram channel!

Rating: +6