Latest news

02:20А Серия. "Рома" ва "Наполи" ишончли ғалабага эришди, "Ювентус" ва "Милан" ўртасидаги ўйинда ҳисоб очилмади  1 02:14Ла Лига. "Сельта" ва "Атлетико" ўзаро дуранг ўйнади, мадридликлар 40-дақиқада бир киши кам бўлиб қолишди  3 01:40Лига 1. "Лилль"ни ПСЖга қарши ўйиндаги мағлубиятдан Мбаппе қутқариб қолди  5 01:03Харри Магуайр фаолиятини Саудия Арабистонида давом эттириши мумкин  1 23:58Туркия Суперлигаси. "Башакшехир" меҳмонда "Гёзтепе"га мағлуб бўлди, меҳмонлар сафида Шомуродов ва Файзуллаев ҳаракат қилди  13 22:27АПЛ. "Манчестер Сити" меҳмонда Холанднинг голи эвазига "Брентфорд"ни мағлуб этди  10 22:12Виталий Левченко: "Ўзимизга боғлиқ барчасини максимал даражада бажарамиз"  11 22:00Суперлига. "Нефтчи" – "Андижон" 2:0   1 21:55Эрон Про лигаси. "Истиқлол" меҳмонда "Чадормалу" билан дуранг ўйнади, Ашурматов баҳсда тўлиқ ҳаракат қилди  0 21:22Ла Лига. "Барселона" меҳмонда "Севилья"дан тўртта гол қабул қилиб олди ва мағлубиятга учради  172 21:15Мирко Йеличич: "Уч очкони қўлга киритдик, лекин ўйиндан унчалик мамнун эмасман"  0 21:02Максим Шацких: "Футболчилар чарчаб қолгани сезилиб турди"  18 20:59Асрор Алиқулов: "Кўп вазиятлар яратдик, лекин гол уришга келганда муаммога йўлиқдик"  0 20:55Кенжабоевнинг СУПEР голи "Қизилқум"га муҳим ғалабани тақдим этди  4 20:30Раде Петрович: "Ўйинни 60 дақиқа назорат қилиб ғалаба қозондик"  2

ОФК Кубоги-2021. "Ҳозир жамоаларни кучли ёки кучсизга ажртадиган вақт эмас". Рўзиқул Бердиев иштирокидаги матбуот анжумани + ГАЛЕРЕЯ News

ОФК Кубоги-2021. "Ҳозир жамоаларни кучли ёки кучсизга ажртадиган вақт эмас". Рўзиқул Бердиев иштирокидаги матбуот анжумани + ГАЛЕРЕЯ

Қаршининг "Насаф" жамоаси эртага Қирғизистоннинг "Олой" клубига қарши ўйин билан ОФК Кубоги-2021даги юришини бошлайди.

Бугун ушбу учрашувдан олдин икки жамоа мураббийлари иштирокида матбуот анжумани ташкил этилди. Унда дастлаб "Насаф" бош мураббийи Рўзиқул Бердиев ва ярим ҳимоячи Акмал Мозговой иштирок этди.

"Барчага ҳайрли кун. Авваламбор ҳаммани ҳайит байрами билан табриклайман. Тутган рўзаларингизни Аллоҳ даргоҳида қабул қилсин. Мусобақага тайёргарлик ҳақида фикр билдирадиган бўлсам, мазкур турнирга узоқ вақт тайёргарлик кўрдик. Рақибларимиз оддий жамоалар эмас. Олдинда бизни осон бўлмаган учрашувлар кутмоқда. Кайфиятимиз яхши. Муносиб тайёргарлик кўрдик. Буни эртага майдонга чиқиб исботлашимиз қолди", - деди Бердиев.


Акмал Мозговой: "Мураббийимиз айтганидек яхши тайёргарлик билан бу ерга етиб келдик. Эртага қизиқарли ўйин ва керакли натижани қўлга киритишга ҳаракат қиламиз. Ўйлайманки, ҳаммаси яхши бўлади".


- Ўзбекистонда футбол даражаси Марказий Осиёдаги бошқа мамлакатларга қараганда бир мунча юқори. Саволим эртанги рақибга қандай қараяпсиз? (маҳаллий журналист)

- Даража ҳақидаги фикрингизга унчалик қўшилмаган бўлардим. ОЧЛда ҳамма кўрган бўлса керак, Тожикистоннинг "Истиқлол" жамоаси кўпчиликни ҳайрон қолдирди. Ваҳоланки, кўпчилик "Ал Ҳилол" ва "Пахтакор"ни фаворит деб ўйлаганди. Биз рақибларимизга жиддий муносабатда бўляпмиз. Ҳозир кучли ёки кучсизга ажратадиган пайт эмас. Гуруҳимиздаги тўртта жамоа ҳам бир ҳил даражада. Ўйин қандай бўлишини эртага кўрамиз.

- ОФК кубоги мусобақаси жамоангиз учун нуфузли турнирми?

- Биз учун, ҳа. Биласизлар жамоамиз ёш. Ушбу мусобақа ёш футболчиларга тажриба тўплаш учун қулай имкониятдир. ОФК кубоги муҳим мусобақа саналади. Биринчи галдаги мақсад - гуруҳдан чиқиш.


- "Насаф" уч кундан бери ўйин бўлиб ўтадиган стадионда машғулот олиб бормоқда. Суъний қопламали майдон бўлгани учун футболчиларнинг мушакларида оғриқлар кузатилмадими?

- Шу ўринда ташкилотчиларга миннатдорчилик билдириб ўтаман. Машғулотларда ҳеч қандай жароҳат олиш ҳолатлари бўлмади. Тўғри, бу биз учун ноқулай. 2-3 кун ичида мослашиб олишга ҳаракат қилдик.

- Бу жамоадаги кўплаб футболчилар учун илк халқаро мусобақа бўлади. Бундай катта турнирларда ёш футболчиларда ҳаяжон бўлиши мумкин. Айни пайтда бу борада ҳолат қандай?

А.Мозговой: "Ҳаяжон йўқ. Эртага бор маҳоратимизни кўрсатамиз".


Эслатиб ўтамиз, "Насаф" - "Олой" баҳси эртага, 14 май куни соат 17:00да старт олади. Беллашув Душанбедаги "Республика Марказий стадиони"да бўлиб ўтади.

"Насаф" - "Олой" баҳсидан олдинги матбуот анжуманидан тўлиқ галереяни сайтимизнинг махсус бўлими орқали томоша қилишингиз мумкин. >>>>> ФОТОГАЛЕРЕЯ

Толибжон Қосимов

Душанбе, Тожикистон

Rating: +29   

Comments

championat.asia
< show latest news
Яндекс.Метрика