Ҳожимат Эркинов: “Осиё чемпионатида мақсадимиз чемпионлик”

Ушбу мусобақада иштирок этиши кутилаётган иқтидорли футболчи Ҳожимат Эркинов бугунги қуръа ҳақида ўз фикрларини билдирди:
“Гуруҳимиз яхши. Эроннинг барча ёшдаги терма жамоалари кучли бўлган. Форсларга қарши Тожикистондаги турнирда тўп тепганмиз, қандай кучга эгалигини биламиз. Камбоджа ва Индонезияни ҳали билмаймиз. Уларни ҳам ўрганиб муносиб тайёргарлик кўрамиз. Худо хоҳласа гуруҳдан биринчи ўрин билан чиқамиз".

Бўлажак мусобақадаги имкониятларни чамалаган ҳолда Эркинов терма жамоамиз чемпионликни мақсад қилаётганини маълум қилди:
"Ўз кучимга, мураббийларимнинг ва жамоадошларимнинг кучига ишонаман. Чемпионлик билан биргаликда Жаҳон чемпионатига йўлланмани қўлга киритмоқчимиз”.

Эслатиб ўтамиз, Ўзбекистон U-19 терма жамоаси Осиё чемпионатида "A" гуруҳида Индонезия, Камбоджа ва Эрон билан куч синашади.