Latest news

14:45"Трент "Реал"га ўтади" — Фабрицио Романо  0 14:24"Нефтчи" ўз уйида "Сўғдиёна" устидан қийин ғалабага эришган муросасиз баҳсдан ГАЛЕРЕЯ  0 14:02Слот "Ливерпул"нинг ёзги трансферлари ҳақидаги саволга жавоб беради  2 13:35"Динамо" 7 йилдан сўнг уйига қайтган "Шўртан"ни мағлуб этган ўйиндан ГАЛЕРЕЯ  1 13:13Про лига. 5-тур ўйинларига ҳакамлар тайинланди  0 12:53Эксперт ҳакамлар комиссияси: Ҳакамлар "Навбаҳор" ва "Андижон" дарвозаларига хато пенальти белгилашган  53 12:28"Андижон" собиқ футболчиси Ўзбекистон, Қозоғистон ва Беларусь чемпионатларини ўзаро солиштирди  4 11:59"Локомотив" футбол клуби эмблемаси Адлия вазирлигида рўйхатдан ўтказилди  5 11:33Никола Лазаревич: "Жамоамизнинг ҳар бир вакилини "Навбаҳор" устидан қозонилган ғалаба билан муборакбод этаман"  5 11:06Сергей Лушан: "Ғалаба қозониш учун ҳеч бўлмаганда 50% имкониятдан фойдаланишни билиш керак"  6 10:32Бразилия томонидан Анчелотти учун таклиф қилинган молиявий шартлар ошкор бўлди  2 10:01Пролига. Бугун 5-тур баҳсларига старт берилади  0 09:30Sofascore. Кечаги учрашувда Аббосбек Файзуллаевнинг ҳаракатлари неча баҳога лойиқ кўрилди?  2 08:58Sofascore. Кечаги учрашувда ассист қайд этган Шомуродов неча баҳога лойиқ кўрилди?  7 08:27Футзал. Ўзбекистон кубогида бугун чорак финал баҳслари бошланади  0

Ҳеч нарса қилмаган одам хатога йўл қўймайди News

Ҳеч нарса қилмаган одам хатога йўл қўймайди

Қатар стадионларнинг 11 метрлик нуқтаси — душманимиз.

Аввалроқ айтганимдек, олимпиячиларимизнинг кечаги мағлубиятидан сўнг заррача хафа бўлганим йўқ. Жанубий Корея, Япония термаларига қарши баҳсларда, одатда, Жозе Моуринью услубидаги тактика асосида ҳаракатланишларга кўникиб қолгандик. Кеча эса майдонда қад ростлаган ўғлонларимиз асосий етакчиларсиз ҳам "самурайлар" билан хотиржам ўйин намойиш этишди. Яъни бироз иштиёқимиз юқори бўлганида ёки легионерларимиз ортга қайтишмаганда, йигитларимизнинг ўйинда ҳам, натижада ҳам устунлик қайд этганини тишларимиз орасига гугурт чўпини солганча кузатган бўлардик, эҳтимол. Уларсиз ҳам масалани ижобий тарафга ҳал этишимизга бир баҳя қолди.

Кечаги ўйин бироз эсноқларга сабаб бўлган бўлиши мумкин. Сабаби, биринчидан, асосий вазифа уддаланган бўлса, иккинчидан, аввалари Япониянинг ҳужумкор ўйин намойиш этишини кўриб, ўрганиб қолганимиздан дейишимиз мумкин. Кеча эса рақиб жамоа ўзлари истагандек ўйини кўрсата олмади. Жараён ҳақида тасаввур ҳосил қилишингиз учун математикага юзланмоқчиман:


Япония — Ўзбекистон

Тўп назорати(%): 48-52

Бурчак зарбаси: 3-10

Пасслар: 400-420

Пасслар аниқлиги(%): 70-72

Зарбалар: 8-18

Аниқ зарбалар: 2-5


Раҳмоналиевнинг голга айланмаган пенальтиси чоғи қовоқларимда ёғингарчилик содир бўлгани йўқ. Ҳа, ярим ҳимоячимиз муҳим паллада рақиб дарвозасини ишғол қила олмади. Бироқ таниқдирларга сабаб бўлган ҳамюртимизни оқлаш учун сабаблар етарлича. Биринчидан, у шунчаки дарвозабонга тўпни бериб қўймади ёки ноаниқ зарба йўлламади. Ярим ҳимоячи максимал равишда тўпни бурчакка йўналтиришга ҳаракат қилди, бироқ зарба бериш олдидан бўлган нигоҳи уни рақибга сотиб қўйди, десак муболаға бўлмайди, яъни япониялик посбоннинг маҳоратини ҳам эътироф этиш жоиз. Иккинчидан, терма жамоамиз учун асосий вазифа бажариб бўлинганди. Раҳмоналиев ярим финалда шундай иш тутганда, эҳтимол, ҳақли равишда танқид қилишимиз мумкин эди. Учинчидан, ҳамма хато қилиши мумкин. Бир неча ой муқаддам ушбу лоторея айнан Қатар яшил майдонларида миллий терма жамоамизнинг оёғидан чалганди. Ва энг муҳими, Умаралида бошқаларга нисбатан довюраклик юқорироқ. Зеро, бундай ўйинларда, қолаверса, таниқли шахслар ва стадионни тўлдириб турган мухлислар қаршисида масъулиятни ўз зиммасига олишни унча-мунча футболчи хоҳлаймайди. 20 ёшдаги(!) Умарали эса ўзидан катталар иштирок этаётган мусобақанинг ҳал қилувчи лаҳзасида бундан чўчимади. 

Шу ўринда, бошқа беллашувни эслатмасам бўлмайди. Ёдингизда бўлса, ўтган йили юртимиз яшил майдонларида 20 ёшгача бўлган футболчилар ўртасидаги Осиё кубоги финалида Ироқ билан тўқнаш келгандик. Давлат раҳбари ташриф буюрган мазкур учрашувдаги ягона ғалаба келтирувчи голни айнан Умарали Раҳмоналиев ПЕНАЛЬТИДАН урганди. Президент қаршисида муҳим онда "дух" кўрсатиш сиз-у менинг қўлимиздан келмаслиги мумкин. "Рубин" ўйинчисида эса бу етарлича. 



Қолаверса, ҳамюртимиз ўйиндан кейин интервью беришга ва узр сўрашга журъат топа олди. Бу хислатини ҳам фақатгина олқишлашимиз мумкин. Шу билан бирга, Раҳмоналиевнинг Саудия Арабистонига қарши чорак финалда реванш олишимизда муҳим голлардан бирини урганини унутмаслигимиз жоиз.



Умарали келгуси U-23 Осиё кубогида ҳам иштирок этиши мумкин. Париж Олимпиадасида эса 20 ёшли йигитчага ўз сўзини айтиш насиб этсин. У забт этиши керак бўлган марралар ҳали олдинда.

Rating: +16   

Comments

championat.asia
< show latest news
Яндекс.Метрика