Ҳаваскорлар ўртасидаги Тошкент шаҳар биринчилиги: ярим финалчилар номи маълум

17 август куни «Ўзбекистон» спорт мажмуасида ҳаваскор жамоалар ўртасидаги Тошкент шаҳар биринчилиги чорак финал учрашувлари бўлиб ўтди. Эътиборли томони, чорак финал жуфтликларининг барча фаворитлари ўз рақибларини мағлуб этиб, ярим финал йўлланмаларини қўлга киритишди.

Куннинг биринчи учрашувида мусобақа фаворити ва биринчи босқич етакчиси ҳисобланган «Uzpromstroybank» «Чоштепа»га ҳеч қандай имконият қолдирмади ва уни 10:1 ҳисобида мағлубиятга учратди.

Қолган учрашувларда бир жамоа рақибига нисбатан бу қадар катта устунликка эришмади, натижалар эса қуйидагича кўриниш олди: «Про-ДЖ» – «DHL» 1:3, «Дўстлик» - «ЎзДТВ», «EastRoad» - «СҚБ-Юнусобод» 2:3.

Шундай қилиб, ҳаваскорлар ўртасидаги мусобақа ярим финалида қуйидаги жуфтликлар финал йўлланмаси учун кураш олиб боришади: «Uzpromstroybank» - «Дўстлик», «DHL» - «СҚБ-Юнусобод». 5-8-ўринларни ким эгаллаши учун «Чоштепа» - «ЎзДТВ», «Про-ДЖ» - «EastRoad» учрашувларидан сўнг маълум бўлади.

Бўлажак ўйинлар тақвими
25 август, якшанба
5-8-ўринлар учун учрашувлари
9.00 Чоштепа – ЎзДТВ
10.15 Про-ДЖ – EastRoad

Ярим финаллар
11.30 Uzpromstroybank– Дўстлик
12.45 DHL– СҚБ-Юнусобод