Ҳамма учун намуна бўла оладиган футболчи

Унинг эшитиш қобилияти паст - 80%. У деярли эшитмайди ва гапирмайди. 

Перальта Чехия ва Швейцарияда ўтган турнирларда "Палмейрас" U-19 таркибида ёрқин ўйинлар кўрсатиб, Бразилия клуби вакилларини ҳайратда қолдирди. Мусобақадан сўнг, клуб унга профессионал шартнома таклиф қилди. Густаво "Палмейрас" U-20 сафида Бразилия ёшлар чемпионатида ўйнайди, аммо уни исталган вақтда биринчи жамоага чақиришлари мумкин.

Парагвайлик футзалчининг ўғли бўлган Перальта олти ёшидан бери футбол ўйнайди. Густаво болалигида бошқа ўйинчиларни тушуниш учун имо-ишора ва лабларни ўқишни ўрганган.

Маълумотларга кўра, "Палмейрас" ярим ҳимоячи учун нутқ терапиясини ва у билан биргаликда жамоанинг бошқа ўйинчилари учун имо-ишора дарсларини ташкил этишни таъминлайди.

Перальта кучли ва тезкор ярим ҳимоячи бўлиб, бутун диққатини Криштиану Роналдуга қаратади ва уни ўз кумири деб атайди.

Густаво аллақачон "Палмейрас" юлдузлари билан танишиб олишга улгурди. Суратнинг ўнг томонида Киевнинг "Динамо" жамоасида ўйнаган Дуду.

Яқин орада Перальта ўзининг "Палмейрас" сафидаги дебютини ўтказиши ҳақиқат эмасдир, аммо биз барибир бу ноёб футболчини кузатиб борамиз.

Эслатиб ўтамиз, ҳозирда “Палмейрас” клубини “Бунёдкор” клуби собиқ бош мураббийи Луис Фелипе Сколари бошқариб бормоқда.

Шерзод Нурматов тайёрлади