Ҳамиджон Актамов ўзи ва Никола Лазаревич ўртасида "фарқ"ни кўрсатди

Ушбу натижа "Қизилқум"нинг собиқ устози Ҳамиджон Актамовни ҳам бефарқ қолдирмади. Мураббий ўзининг фейсбукдаги саҳифасида ўша пайт бошқарувида бўлган "Қизилқум" жамоаси ва АГМК ўртасидаги 2021 йилдаги ўйин натижасини эслатиб, Никола Лазаревич билан орасидаги "фарқ"ни кўрсатди. Ўшанда "Қизилқум" АГМКни меҳмонда 1:2 ҳисобида мағлуб қилишга эришганди.

Бироқ, бутун мавсум эътибори билан кўпчилик Ҳамиджон Актамовнинг гапларига қўшилмаслиги мумкин. Сабаби, Ҳамиджон Актамов бошчилигидаги жамоа ўтган мавсум Суперлигада 9-ўринни эгаллади. Ушбу мавсумда эса "Қизилқум" 8 турдан сўнг 14 очко жамғарган. Навоийликлар ҳозирда Лазаревич бошчилигида ўтган мавсум давомида тўпланган барча очколарнинг деярли ярмини 8-турдаёқ тўплаб қўйишди. Шу билан бирга, "Қизилқум" ҳозирда турнир жадвалининг иккинчи ўрнида бормоқда. Ўтган мавсум якунида "Қизилқум"нинг чемпион билан орадаги фарқи 29 очкони ташкил қилган бўлса, ҳозирда бу кўрсаткич 2 очкони ташкил қилмоқда.