Ҳамиджон Актамов: "Одамман, темир эмасман"
26 sep 2021 20:44
News

Ҳамиджон Актамов: "Одамман, темир эмасман"

Суперлиганинг 20-туридан ўрин олган "Навбаҳор" - "Қизилқум" (0:0) учрашувидан сўнг меҳмонлар бош мураббийи Ҳамиджон Актамов фикрлари билан ўртоқлашди.

"Авваламбор, Ассалому алайкум! Шундай яхши ўйин бўлишини кутгандик, дуранг адолатли бўлди, деб ўйлайман. "Навбаҳор"да ҳам, бизда ҳам вазиятлар бўлди. Ким гол урса, ўша ғалаба қозонарди. Имкониятлар яратганимизга қарамай, улардан фойдалана олмадик,

Ўйин бошида ҳакам томонидан бир-иккита хато бўлганда жаҳлим чиқди. Одамман, темир эмасман, ўрнимда бошқа одам бўлганда ҳам шундай бўлиши аниқ эди. Бабаяннинг футболга қайтиши ҳақида? Футболга меҳнати сингган мутахассис. Унинг ишига мухлислар баҳо беришади.

Бугунги ўйин натижасидан қониқиш ҳосил қилмадим. Ютишимиз керак эди. Олдимизга қўйилган вазифани бажариш учун охиригача курашамиз, тўхташ йўқ", – дейди Ҳамиджон Актамов.

Link :

Source : "Навбаҳор" матбуот хизмати

Receive latest football news directly on your phone. Subscribe for our Telegram channel!

Rating: +14