Ҳамиджон Актамов: "Локо"ни ўз вақтида чемпионликдан тўхтатганмиз. Уларни ютиш янгилик ёки сенсация бўлмайди"
28 feb 2018 18:42
News

Ҳамиджон Актамов: "Локо"ни ўз вақтида чемпионликдан тўхтатганмиз. Уларни ютиш янгилик ёки сенсация бўлмайди"

"Қизилқум" бош мураббийи Ҳамиджон Актамов Суперлиганинг илк учрашувида фақат ва фақат ғалаба қозониш ҳақида ўйлаётганини таъкидлади.

"Локомотив"ни қўрқитмаймиз, уларни ўзи Навоийга қўрқиб келишади. Сабаби, биз уларга доим ноқулай рақиб бўлганмиз. 2013 йили "Қизилқум" билан "Локомотив"ни чемпионликдан тўхтатиб қолгандим. Зўр ўйин бўлади лекин. "Локомотив" юқори босим остида ўйнашга ўрганган ва кўниккан жамоа. Айни пайтда "Локо" бизга нисбатан кўпроқ ўйин амалиётига эга.

"Локомотив"ни мағлуб этсак бу сенсация бўлмайди. Уларни аввал ҳам ютганман. Бу мен учун янгилик эмас. Тўғри, рақиб жуда жиддий ва кучли. Таркибида терма жамоа футболчилари, кучли ва тажрибали ижрочилар кўп. Лекин биз ҳам бу баҳсга жиддий тайёрланганмиз.

Мени қўл остимдаги жамоа дуранг ёки мағлубият учун майдонга тушмайди. Мақсад битта - ғалаба. Мухлисларни хурсанд қилишни истаймиз. Ўтган йили уларни кўп ранжитдик. Бу йили Худо хоҳласа улар доим яхши кайфият билан жамоамизни олқишлаб, қўллаб-қувватлаб туришларига ишонаман. Биз ҳам ўз ўрнида уларни хурсанд қиламиз.

Link :

Source : championat.asia

Receive latest football news directly on your phone. Subscribe for our Telegram channel!

Rating: +2