Ҳамиджон Актамов: “Дарвозабон – ярим жамоа” деб бекорга айтилмаган”
01 aug 2018 23:09
News

Ҳамиджон Актамов: “Дарвозабон – ярим жамоа” деб бекорга айтилмаган”

Суперлиганинг 20-туридан ўрин олган АГМК – “Қизилқум” (3:0) учрашувидан кейинги матбуот анжуманида дастлаб меҳмонлар устози Ҳамиджон Актамов журналистларнинг саволларига жавоб қайтарди.

- Биринчи бўлимнинг биринчи ярмида дарвозабонимиз иккита қўпол хатога йўл қўйди ва мезбонлар бундан усталик билан фойдаланишди. Йирик мағлубиятга лойиқ эмасдик. Гол уриш учун вазиятлар яратдик. Лекин ундан фойдалан олмадик. Кетма-кет иккинчи учрашувда асосий дарвозабонимиз хизматларидан фойдалана олмаяпмиз. Бу якунда бизга қимматга тушаяпти. “Дарвозабон –ярим жамоа”деб бекорга айтилмаган. Йигитлар ҳаракат қилишди. Футболчиларимизга эътирозим йўқ. Ўйин бошидаги иккита голдан кейин руҳан қийин ҳолатга тушиб қолдик. Иккинчи бўлимда ташаббусни ўз қўлимизга олишга уриндик, аммо голга келганда бу иш амалга ошмади.