Ҳакимжон Файзиев: "Анвар Бердиевнинг жамоамизга қўшилганлигидан хурсандмиз"

Бугун мавсумдаги дастлабки учрашувимизни ўтказдик. Бугун меҳмон мақомида учрашув ўтказдик. “Ифтихор” ҳам Фарғона вилояти жамоаси ҳисобланади. Бугун ғалаба қозонган бўлсакда, жамоамиз футболчилари ўзларининг тўлиқ маҳоратларини намойиш эта олишмади. Насиб қилса, яхши ният қиламиз, кейинги учрашувларда бунданда чиройли футбол намойиш этамиз деб ўйлайман.

Ҳали ўз устимизда кўп ишлашимиз керак, олдинда бизни қийин учрашувлар кутиб турибди. Таркибимизда янги футболчилар бор, улар жамоага мослашиб кетгунга қадар бир оз вақт зарур бўлади. Бу йилги мавсумда жамоамизнинг асосий қисмини ёш футболчилар ташкил этмоқда. Учрашувнинг иккинчи бўлимида заҳирадан майдонга тушган Анвар Бердиев жуда чиройли гол киритди, албатта унинг жамоамиза келиб қўшилганлигидан биз жуда хурсандмиз.


Бекзод Толибов ёзиб олди.