Ҳакам Жоан Амель: “Вераттини спортчига хос бўлмаган ҳаракати учун огоҳлантирдим”
22 jan 2017 04:25
News

Ҳакам Жоан Амель: “Вераттини спортчига хос бўлмаган ҳаракати учун огоҳлантирдим”

Франция чемпионатидан ўрин олган “Нант” – “ПСЖ (0:2) учрашувини бошқариб борган ҳакам Доан Амель нима сабабдан парижликлар ярим ҳимоячиси Марко Вераттига сариқ карточка кўрсатганлигини изоҳлаб берди.

Учрашувнинг 30-дақиқасида италиялик ярим ҳимоячи ўзига майдондан келаётган тўпни тиз чўккан ҳолда боши билан ўз дарвозабонига узатиб берганди.

“Футболчи бу вазиятда ўйин қоидасини бузди. Дарвозабон тўпга эгалик қилдими йўқми, бу кейинги масала. Вератти ўйин қоидасини бузди.

Бу спортчига хос бўлмаган ҳатти-ҳаракат. Мен дарров ҳуштак чалмадим, аммо у ўйин қоидасини бузганига шубҳам йўқ эди.

Албатта, бу футболда учрайдиган камдан-кам ҳолатлардан бири. Бундай ҳолатлар изоҳ талаб этади. Аммо ҳакамлар айнан шунақа ҳолатлар учун ҳам ҳакам. Биз бундай ҳолатларга тайёрмиз”, дейди Амель.