Ҳафта иқтибослари. Машҳурлардан энг сара фикрлар

- "Мен Ироқни танлашим керак эди. Футбол менга берилган совға ва бу совғадан унумли фойдаланишим керак. Жамоамизнинг лақаби -  "Месопотамия шерлари". Биз Басрадаги стадионда майдонга тушганимизда жуда ҳаяжонландим. Жамоани ироқлик мухлислар ажойиб тарзда қўллаб туришди. Мен ҳар доимгидан ҳам ўзимни бахтли ҳис қилдим". ("Орландо Сити" ярим ҳимоячиси Жастин Мерам Ироқ терма жамоасида тўп тепаётгани ҳақида)

- "Мен атиги учта гол уришим билан мухлислар келиб дастхат сўрай бошлашди. Улар мени сен энг зўрсан дея эътироф этишди. Аммо Рафаэль Бенистес олдимга келиб, бугун сен саккиз марта тўпни йўқотдинг деганди". (Фернандо Торрес "Ливерпул"даги хотиралар ҳақида)

- "Мен ҳар доим Месси нотабиий футболчи эканини айтганман. Унга ўхшаши биз яшаб турган дунёда йўқ. Унинг жаҳон чемпионатига Эронга урган голини бир эсланг-а. Одам боласи бунақа иш қила олмайди. Мана нима учун ҳамма Мессини ҳурмат қилади". (Карлуш Кейруш Аргентина терма жамоаси етакчиси Лионель Месси ҳақида)

- "Менда Бельгия терма жамоаси билан режалар бор. Лекин бир кун келиб "Арсенал"ни бошқаришим мумкинми? Нега энди бўлмасин? Аммо бунга ҳали вақтли. Қолаверса, мен Арсен Венгерни жуда ҳурмат қиламан". (Бельгия терма жамоаси ёрдамчи мураббийи Тьерри Анри келажакдаги режалари ҳақида)

- "Мен терма жамоа олдида ҳар доим қарздорман. Олдимизда иккита муҳим ўртоқлик учрашуви бор: Аргентина ва Англияга қарши. Агар мени ҳам таклиф этишса, жон деб боришга тайёрман. Терма жамоа ҳар доим мен учун бирламчи бўлиб қолади". (Жанлуижи Буффон терма жамоадан чақирув кутаётгани ҳақида)

- "У ғалабаларга чанқоқ. Рақибимиз "Уиган" бўладими ёки "Арсенал"ми, Гвардиола бизни ҳар бир баҳсга бир хил тайёрлайди. У футболчиларга тушунтириш ишларини жуда яхши олиб боради. У билан ишлаш худди институтда 10 йил ўқишдек гап. Биз ундан ҳар куни нимадир ўрганамиз". (Венсан Компани жамоаси бош мураббийи Пеп Гвардиола ҳақида)

- "Терма жамоадаги босим албатта "Тоттенхэм"дагига нисбатан катта. Чунки терма жамоага борганимда мендан мухлислар янада кўпроғини хоҳлашади. Лекин мен босимдан қўрқмайман, қайтанга янада кучли қилади. Аммо ғалаба қозониш фақат менинг қўлимда эмас, бунинг учун бутун жамоа бўлиб ҳаракат қилишимиз лозим". (Сон Хён Мин терма жамоа ва клуб орасидаги фарқ ҳақида)

- "У билан ўйнаш жуда мароқли эди. У ҳақиқий характер эгаси бўлган. У кўп югурмасди, бунга ҳожат ҳам йўқ эди. Ўша йили 19та гол уришимда унинг кўп ёрдами текканди. У майдонда кўп гапирмасди, лекин яхши ўйнарди. Кейин у кўп чекарди: ўйиндан олдин, танаффусда ва албатта ўйиндан кейин. Қўлида доим қизил Marlboro бўларди. Аммо жуда кучли футболчи эди". (Петер Крауч собиқ жамоадоши Роберт Просинечки ҳақида)