Гёкереш "Манчестер Юнайтед" таклифини рад этди ва "Арсенал"га ўтишга умид қилмоқда
22 jul 16:30
News

Гёкереш "Манчестер Юнайтед" таклифини рад этди ва "Арсенал"га ўтишга умид қилмоқда

"Спортинг" ҳужумчиси Виктор Гёкереш Португалия клубининг қаршиликларига қарамай, Лондоннинг "Арсенал" клубига ўтиш бўйича музокаралар олиб боришда давом этмоқда.

Бу ҳақда инсайдер Фабрицио Романо маълум қилди.

Манбага кўра, Гёкереш МЮга ўтиш таклифини рад этган ва Манчестер клуби вакилларига "Арсенал"да ўйнашни истаётганини айтган. 27 ёшли швецияликнинг келажаги номаълумлигича қолмоқда.

"The Athletic" нашри ўтган ҳафта Гёкереш "Арсенал"га ўтишга рози бўлгани ва "Спортинг"ни тарк этгани ҳақида хабар қилганди. Бироқ "Спортинг" келишувга тўсқинлик қилишга муваффақ бўлди. Клуб раҳбарияти Гёкерешнинг трансфери учун камида 80 миллион евро талаб қилмоқда, "Арсенал" бундай суммани тўлашга тайёр эмас.

Гёкереш ўтган мавсум Лиссабон клуби сафида 52 ўйинда майдонга тушиб, 54 та гол урган ва 13 та голга ассистентлик қилган.

Link :

Source : x.com/FabrizioRomano

Receive latest football news directly on your phone. Subscribe for our Telegram channel!

Rating: +2