Гвардиолани икки ҳафталик карантин кутмоқда

Испаниялик мутахассис онасининг ўлимидан сўнг Испанияга йўл олган эди ва энди қайтганидан сўнг карантинда бўлади.

1 май куни АПЛ клублари мавсумни давом эттириш билан боғлиқ видеоконференция ўтказадилар. Шунингдек унда жамоаларни машғулотларга қайтариш ва 8 июнда мухлисларсиз ўйинлар ўтказиш борасида ҳам гап боради.

Эслатиб ўтамиз, АПЛда 26 турдан сўнг 57 очко жамғарган ҳолда "Манчестер Сити" 2-ўринда бормоқда.

"Шаҳарликлар" бунгача кетма-кет икки йил АПЛ совринини қўлга киритишган.