Гвардиола олдида катта танлов: "Сити"да қолиш ёки янги чақирувни қабул қилиш

"El Nacional" хабарига кўра, Саудия Арабистони клубларидан бири каталониялик мураббийга келажагини қайта кўриб чиқишга мажбур қилиши мумкин бўлган рекорд таклиф билан чиқди.

Гвардиола Англиядаги тўққизинчи мавсумини ўтказмоқда, у замонавий футболдаги энг яхши жамоалардан бирини қурган. Бироқ "Сити" ушбу мавсум қийинчиликларга дуч келяпти. Чемпионлар Лигасида "Реал"дан қабул қилиб олинган мағлубият ва Премьер-лигадаги муваффақиятсизликлар Пеп клуб учун энг яхши вариант бўлиб қолишида шубҳаларни кучайтирди.

Бундай шароитда Саудия Арабистони вазиятдан фойдаланиб қолишга тайёр. Маҳаллий клуб Гвардиолага мураббийлар тарихидаги энг катта шартнома таклиф қилди, бу унинг "Сити"даги ҳозирги маошидан сезиларли даражада катта. Мамлакат айнан у туфайли чемпионатини янги босқичга кўтара олишига ишонади.

Гвардиола ҳали якуний қарорга келгани йўқ, аммо унинг кетиши эҳтимоли "Сити"да хавотир уйғотмоқда. Клубдагилар ҳали ҳам мураббийга ишонади, аммо ноаниқлик муҳити кучайиб бормоқда.

"Манчестер Сити" 26 турдан кейин 44 очко билан АПЛда 4-ўринда бормоқда.