Гвардиола: "Мюллер ва Гётце қолади, Де Брюйне "Бавария"да бўлмайди"

"Ҳеч бир клуб кетма-кет тўрт маротаба чемпион бўла олмаган, шу сабабли бу биз учун жуда яхши натижа бўлар эди. Аммо рақибларимиз жуда кучли. Нафақат "Вольфсбург", балки "Байер", "Шальке-04" ва икки "Боруссия" ҳам бор.

Трансфер режалар? Томас қолади, Марио ҳам, Де Брюйне эса "Бавария"да бўлмайди. Буни аввалдан билар эдим.

Рибери даволаняпти. У билан ҳар куни суҳбатлашяпман. Рибери тезроқ сафга қайтишига умид қиляпман.

"Барселона"га қарши Чемпионлар лигаси ярим финалида Хаби Алонсо бизнинг энг яхши ўйинчимиз бўлди. Ярим ҳимояда унга мос футболчи керак. Тьяго 100% тайёр бўлганида, ушбу жойда ўйнаши мумкин эди.

Дуглас Коста жаҳоннинг энг яхши футболчиларидан бири бўлиши мумкин. Аммо энг яхши эмас, чунки энг зўр футболчи "Барселона"да ўйнайди" - дейди Гвардиола.