Гвардиола: “Ман Сити” айни дам АПЛ чемпионлиги ҳақида ўйлайдиган ҳолатда эмас”

“Одатдагидек, “Тоттенхэм” қарши баҳсни уй ва сафарда бўлгани каби ажойиб бошладик, аммо хатога йўл қўйганимиздан кейин жазоландик. 0:1 дан кейин барчаси бошқа томонга ўзгарди. Бизда имкониятлар бўлди, лекин, Сон ва Кулушевски фазасида тўпни йўқотиб қўйсангиз, бу жуда қийин бўлади. Уч очкони қўлдан бой бердик.

“Тоттенхэм” майдонидаги омадсизликалрга келсак, эртами-кечми ҳаммаси ўзгаради, аммо бу ерда бирорта ҳам гол урмаганимиз ғалати, олдин пенальтидан ҳам гол урмаганмиз. Буни тушунтириш мушкул.

Чемпионликни ўйлайдиган ҳолатда эмасмиз, фақат кейинги ўйин – “Астон Вилла”га қарши баҳсга эътиборимизни қаратамиз. Яхши тайёргарлик кўрамиз ва қўлимиздан келганича ўйнаймиз.

“Тоттенхэм”да фантастик жамоа ва таркиб бор, бу орқали улар сизни жазолайди”, дейди Гвардиола.