Гвардиола Левандовскининг келажаги ҳақида фикр билдирди

Польшалик ҳужумчи Мюнхен клубини ёзда тарк этиш истагини билдирганди, бироқ немис гранди раҳбарияти ўз етакчисини шартнома муддати (2023) тугагунига қадар қўйиб юбориш ниятида эмас.

"Бавария" Левандовскини "Барселона" ёки бошқа клубга сотадими-йўқми, буни билмайман, лекин у исталган жамоага мослаша олади", - деди Гвардиола.

33 ёшли футболчи ўтган мавсум "Бавария" сафида 46 та ўйинда майдонга тушиб, 50 та гол урди ва 7 та голга ассистентлик қилди.

Эслатиб ўтамиз, аввалроқ Гвардиола Мюнхен клубида Левандовски билан бирга ишлаган. Улар биргаликда икки марта Германия чемпионлигини қўлга киритган.