Гвардиола Ҳоланднинг голсиз 3 ўйини ҳақида: "Рақиблар ўз жарима майдончасида бўлганида ўйнаш қийинроқ"

"Манчестер Юнайтед" билан дербидаги ўйиндан сўнг норвегиялик ҳужумчининг ушбу мавсумдаги голсиз серияси биринчи марта учта ўйинга етди. У "қизил иблислар"га қарши ўйинда рақиб дарвозасига  2 та зарба йўллаган бўлса-да, бирортаси дарвоза тўридан жой олмади.

"Шаҳарликлар" устози Пеп Гвардиола бу борада қуйидаги фикрларини билдирди: "Биз ҳали ҳам бу жараён устида ишлаяпмиз (Ҳоландни жамоа ўйинига интеграциялаш), чунки рақиблар ўз жарима майдончасида ўтирганда ўйнаш қийинлашади. Лекин биз уни тез тез узатмалар билан таъминлашимиз керак, ҳа.

"Юнайтед"га қарши ўйинда Ҳоланд етарлича тўпга эга бўлди, аммо улар содир бўлган зоналарни кўриб чиқиш керак. Биз уни қайтаришимиз керак ва буни уддалаймиз".