Гвардиола: “Ҳар бир учрашувда ўнталаб гол ура олмаймиз”

“Терма жамоси таркибида халқаро учрашувлардан қайтиб, клуб сафида ўзига белгиланган вазифани адо этаётган футболчиларни алоҳида эътироф этган бўлардим. Мен бу баҳсда жамоам кўрсатган ўйиндан мамнунман.

Бизда голлар уриш учун кўплаб имкониятлар бўлди, аммо улардан самарали фойдаланиш борасида ҳозирча бироз оқсаяпмиз. Айнан шу ҳолатни яхшилаш бўйича ишлашда давом этамиз ва бу ҳолат чемпионлик учун курашимизда муҳим омил бўлиб хизмат қилади. “Лестер” ажойиб тарзда ҳимояланди, иккинчи бўлимда эса тезкор қарши ҳужумлар орқали бизни анчагина қийнаб қўйди.

Биз ҳар бир ўйинда ўнталаб гол ура олмаймиз, шу боис минимал ҳисобдаги ғалабадан мамнунман. “Лестер”нинг ҳимоясини бузиб ўтиш осон иш жмас. Бизнинг қанча гол уришимиз муҳим эмас. Муҳими рақибдан кўпроқ гол уришимиз”, деди Гвардиола.