Гвардиола ғалабали ўйиндан сўнг таассуротлари билан ўртоқлашди

"Бундай рақибга қарши ўйинда ҳужум уюштириш қийин. Улар агрессивлик ва юқори прессингдан фойдаланишади. 

Биз ҳужум қилишни бошлаганимизда улар ортга чекиниб, чуқур ҳимояга киришди. Биз сабр қилдик, хатога йўл қўймадик ва якунда керакли натижага эришдик. 

Ўйинимиздан жуда мамнунман. Ўз дарвозамиз томон биттагина зарба ўтказиб юбордик. Умуман олганда яхши ҳаракат қилдик. Бироқ, рақиб ўз жарима майдончасида 10 киши бўлиб ҳимояланганда ўйнаш қийин бўлади. 

Соврин учун кураш ҳақида гапирсак, "Ливерпул"да ҳали иккита захирадаги ўйин бор. Ўшандан сўнг фарқ қандай бўлишини кўрамиз. 

Олдинда 14 та мана шундай қийин ўйин кутиб турибди. Рақобат жиддий, аммо 60 очко тўплаганимиз ёқмоқда", - деди Гвардиола.