Гвардиола Филлипс нима учун "Манчестер Сити"да қолганини тушунтирди
17 sep 2023 10:30
News

Гвардиола Филлипс нима учун "Манчестер Сити"да қолганини тушунтирди

Футболчи ўтган мавсумда кам ўйнади.

"Манчестер Сити" бош мураббийи Пеп Гвардиола ярим ҳимоячи Келвин Филлипс нима учун кам ўйнаганига қарамай, жамоада қолганини тушунтириб берди.

"Биз унинг жамоадаги келажагини муҳокама қилганимиздан кейин, шунингдек, ижара вариантларини кўриб чиққанимиздан сўнг Филлипс қолишга қарор қилди. Ҳамма нарсани тўғри қабул қилиб, жамоада қолгани қадрланади. У ҳар доим майдонга тушишга тайёр туриши керак – Келвин биз учун муҳим", – деди мутахассис.

Филлипс 2022 йилнинг ёзида 49 миллион евро эвазига "Лидс"дан "Манчестер Сити"га ўтган эди. Ўтган мавсумда 27 ёшли ярим ҳимоячи АПЛнинг 12 та учрашувида қатнашиб, ҳар бир учрашувда ўртача 24 дақиқани майдонда ўтказган.

Link :

Source : twitter.com/FabrizioRomano

Receive latest football news directly on your phone. Subscribe for our Telegram channel!

Rating: +3