Гвардиола: “Бу биз учун ажойиб натижа”

“Жуда яхши ўйин бўлди, иккита топ жамоанинг ўйинига гувоҳ бўлдик. 55-60 дақиқа давомида ҳар икки жамоа бир хил даражада ҳаракат қилди. Родри супер гол урди. Бироқ биз Муциала ва Гнабри қанотларини ёпишда қийинчиликка учрадик.

Иккинчи бўлимнинг дастлабки 5-15 дақиқасида рақиб яхшироқ ўйнади ва вазиятлар яратди. Аммо шундан сўнг биз бир нечта нарсаларни ўзгартирдик ва ўйиннинг қолган қисмида кучлироқ кўриндик.

Бу ажойиб натижа, лекин мен Мюнхенда ўйнаш нимани англатишини биламан. Иккинчи учрашувда анча яхшироқ ҳаракат қилишимиз учун бир нечта нарсани ўзгартиришимиз лозим бўлади”, — деди Гвардиола.