Гвардиола Бобби Чарльтон ҳақида: "Англияда афсоналар қадрланиши жуда ёқади"

"У фаолиятини якунлаганида мен туғилиб бўлгандим, демак, унинг фаолиятининг энг яхши онларини кўрганман. "Манчестер Сити" оиласи номидан "Манчестер Юнайтед" оиласига, унинг оиласига, Англия футболи оиласига ҳамдардлик билдираман. Бундай даражадаги футболчи ва шахсият бошқа ҳеч кимда бўлмаса керак.

Барчамиз унинг оиласига ҳамдардлик билдирдик. Навбатдаги турда "Олд Траффорд"га борамиз ва яна унга ҳурмат кўрсатамиз. Бу давлатнинг жуда кўп жиҳатларини яхши кўраман, шулардан бири - афсоналарнинг қадрданиши. Улар нафақат клубнинг бир қисми бўлишган, балки, бутун бир давлат учун ҳам қадрли бўлишган", - деди "Манчестер Сити" бош мураббийи.