Гвардиола 4:0 ҳақида нималар деди?

"Жамоа сифатида жуда яхши ўйнадик. "Борнмут" ҳимояда жуда тартибли ҳаракат қилди ва ҳужумда ҳам яхши ўйнади.

Улар кичик паслар орқали бизни бир неча марта хавотирга солишди, кейин ўйинни ўзгартиришди. Рақибнинг ўйини худди "Тоттенхэм"никига ўхшаш. Ҳимояда чуқур ўйнашади ва тезда қанотлар орқали чиқиб кетишади.

Ўйинни яхши бошладик, тезда 3-4 бурчак зарбасига эга бўлдик ва вазиятлар яратдик. Икки голни уриб олгандан кейин улар ҳужум қилмай қўйишди, биз эса сабрни асрадик. Ғалаба бир неча сабаблар билан осон келди, дея олмайман. Шунчаки яхши ўйин намойиш қилдик", - деди Гвардиола.