Гус Хиддинк: «Раньери қўнғироқ қилиб 5 марта раҳмат айтди»

«Финал ҳуштаги чалингач Раньери қўнғироқ қилди. У бизга иккинчи бўлимдаги ўйинимиз учун миннатдорчилик билдирди, мен эса уни чемпионлик билан табрикладим. Улар бунга ҳақли эдилар, топ клублар бу жамоанинг ғалабаларидан ҳайратда қолишди. "Лестер" ўзидан кетмади, бўшашиб кетмади, соврин сари интилишди.

Мен Раньерининг кўз ёшларини кўрмадим, сабаби биз телефон орқали гаплашдик, аммо унинг овози қалтирарди. У 5 марта раҳмат айтди», – дейди Хиддинк.