Грузияда саккизта ҳакам бир умрлик дисквалификация билан жазоланди

Бундай қарорни Грузия футбол федерацияси Ҳакамлик қўмитаси қабул қилди. Федерация ҳуқуқни ҳимоя қилувчи органлардан бунга боғлиқ бўлган барча иштирокчиларни қўлга олиб, ишни давом эттиришни сўрамоқда.
Қўлга олинган ҳакамларнинг бири ФИФА ҳаками, тўрттаси миллий чемпионат ва учтаси биринчи даражали рефери бўлган. Маълумотларга кўра, бу ҳакамлар Грузия чемпионатидаги ўйинларда қанча сариқ ва қизил карточка кўрсатишни келишиб, бу келишув учун 2500 дан 5000 АҚШ долларигача пора олишган.
Улар бў йўл билан оддий фуқароларга букмекерлик компанияларидан пул ютиб олишга ёрдам берган. Барча ҳакамлар Коррупцияга қарши агентлик томонидан қўлга олинган. Бу иш бўйича яна бир нечта ҳакамлар қўлга олиниши мумкин.