Latest news

12:56Милан Митрович: “Футбол ҳаётга ўхшайди — ҳамма нарса режадагидек кетавермайди”  0 12:50Симоне Инзаги: "Пеп Гвардиола - энг зўри"  0 12:22Исломбек Исмоилов: "Нефтчи"га вилоят ҳокимининг таклифи билан келдим"  3 12:12Рафинья Нико Уильямс ҳақида: "Юқори сифатли футболчи"  1 11:44"Астон Вилла" "Челси" ва "Арсенал" қизиқаётган футболчиси учун 100 млн фунт талаб қилмоқда  0 11:16"CAFA Nations Cup" мусобақасида 8 терма жамоа иштирок этади  4 10:50Винисиуснинг талаблари маълум. Унинг талабларини “Реал“ қабул қилишга тайёр эмас  10 10:20“Рома“ ҳужумчисига Россиядан таклиф бор  0 09:51“Ньюкасл“ Жанубий Корея терма жамоаси аъзоси билан шартнома тузмоқчи  0 09:22“Бавария“га “Ливерпул“нинг икки нафар футболчиси керак  1 08:52Пролига. Бугун Тошкент дербиси бўлиб ўтади  1 08:24Суперлига. Бугун 2 та учрашув бор  9 07:54“Насаф“ етакчисига Қатар ва БААдан таклиф бор  9 07:25Жоэль Кожо фаолиятини Ўзбекистонда давом эттириши мумкин  9 01:47Ансу Фати янги жамоаси учун тиббий кўрикдан ўтди  2

Гризманн ҳақида сиз билмаган маълумотлар News

Гризманн ҳақида сиз билмаган маълумотлар

Бир неча кун олдин "Барселона" 120 млн. евро эвазига "Атлетико" ҳужумчиси Антуан Гризманни сотиб олди.

Каталония клубининг янги футболчиси ҳақида сиз билмаган маълумотларни эътиборингизга ҳавола қиламиз.


1) Португалиядан Маконгача

"Барселона"нинг 20-франциялик футболчиси болалигини Макон (Франция)да ўтказган, бироқ унинг аждодлари Португалиядан. Антуаннинг она томондан бобоси Амаро Лопес Португалияда профессионал футболчи бўлган, аммо бир қанча вақт ўтиб Францияга кўчиб ўтади ва қурилишга ишга киради.


2) Франция футболидаги қийинчиликлар

Гризманнинг футболдаги илк қадамларини Макондаги маҳаллий жамоада ташлаган. Болакайнинг бўйи жуда паст бўлгани туфайли унга эътибор беришмаган. Бўлажак футболчи "Осер", "Лион", "Сошо", "Сент-Этьен", "Мец" ва "Монпелье" каби клубларда кўрикда бўлган. Аммо бу клуб академиялари Антуаннинг бўйини баҳона қилиб, ундан воз кечишган. Кутилмаганда "Реал Сосьедад" унга қизиқиб қолади ва Гризманн 13 ёшда Испания клубига ўтади.


3) Гризманн бунгача ҳам кўк-аноррангли либосда ўйнаган

Антуан 10 ёшида Макон шаҳридаги UFM жамоаси вакилига айланди. UFM жамоасининг формаси кўк-аноррангда эди.


4) Дарвозабон бўлиш орзуси

Гризманн фақат гол уришни эмас, уларни қайтаришни ҳам истаган. Антуан болалигида қўлига қўлқоп кийиб, зарбаларни қайтаришни яхши кўрган. Машғулот якунланиши билан у дарвозага туриб олар эди.


5) Баскетбол таъми

Анутан NBA мухлиси ҳисобланади: Унинг севимли ўйинчиси - Деррик Роуз. Футболчининг Мадриддаги уйида баскетбол майдончаси бор.


6) Катта экрандаги дебют

Гризманн "Бэтмен": Лего мультфильмида Суперменга овоз берган.


7) Унинг севимли футболчиси - Сонни Андерсон

Антуан болалигида бошқа тенгқурлари каби севимли футболчисидан дастхат олиб, у билан суратга тушишни истарди. У "Монако"дан "Барселона"га ўтган бразилиялик футболчи - Сонни Андерсонни яхши кўрарди. Андерсон Антуаннинг кумири бўлган.


8) Машина ва "Олтин тўп"

Гризманн 2016 йилда "Олтин тўп" учун даъвогарлар учлигига кирган, аммо футболчи бу ҳақида бир неча ой олдин айтишганида ишонмаган бўларди. Франциялик "Атлетико"даги машғулотни якунлаб, машинада уйига қайтаётган эди. Опаси қўнғироқ қилганини кўрган Антуан, унга қайтиб қўнғироқ қилади. "Олтин тўп" учун даъвогарлар учлигига кирганини эшитган футболчи шокка тушади.

Rating: +29   

Comments

championat.asia
< show latest news
Яндекс.Метрика