Григорий Колосовский: “Ўйиндаги устунлигимиз ҳисобда акс этмади”

-  “Нефтчи” жамоасини ғалаба билан табриклайман. Бугунги ўйинга жиддий йўқотишлар билан етиб келдик. Ушбу баҳсда Фарғона жамоаси ғолиб бўлмади аксинча “Пахтакор” мағлуб бўлди. Ўйин борасида яна нима дейиш мумкин ? Учрашувда устунликка эга бўлиб туриб вазиятлардан фойдалана олмаслик бизга қимматга тушди. “Нефтчи” ҳам “Пахтакор” ҳам яхши ўйнади.

Бугун дуранг натижа ўйинга мос эди. Бу менинг шахсий фикрим.  Баҳсни ёмон бошламадик. Бироқ тезкор гол ва ҳакам томонидан қилинган қарорлар барибир “Пахтакор”га ўз таъсирини ўтказди. Қизил карточка борасида гапирадиган бўлсам, бу вазиятни баҳолаш менинг вазифам эмас. Бироқ ушбу қарорни тўлиқ тўғри ҳам дея олмайман. Футбол кескин курашларга бой ўйин. Бундай ҳолатлар бўлиши мумкин,  - деди Колосовский.

“Нефтчи” матбуот хизмати