Latest news

01:06Умар Эшмуродов: "Футболимизнинг камчиликлари билиниб қолди"  1 00:27Жавоҳир Сидиқов: "Ютса жамоа ютади, ютқазса ҳам жамоа ютқазади"  5 00:18Элит ОЧЛ. "Насаф" - "Ал Ҳилол" 2:3  2 00:00ОФК ЭЧЛ. Ҳамробеков жамоаси дуранг ўйнади  0 23:24Камолиддин Тожиев : "Охиригача курашиб, муҳим уч очкони қўлга киритдик"  0 23:08Февзи Давлетов: "Ғалаба қозониш учун гол уриш керак, биз эса уч ўйиндан буён гол ура олмаяпмиз"  2 23:00"Насаф" бош мураббийи Рўзиқул Бердиев: "Бугун савия ва даража ўз сўзини айтди"  28 22:47"Ал Ҳилол" бош мураббийи Симоне Инзаги: "Икки бор тўп ўтказиб юборган бўлсак-да, якунда ғалабага эришдик"  18 22:27Ҳакамлар маркази "Пахтакор" - "Сурхон" ўйинидаги баҳсли вазият бўйча изоҳ берди  1 22:01УЕФА Исроилни четлатишга тайёр, аммо...  10 21:02Суперлига. Сергеевнинг ягона голи "Пахтакор"га "Сурхон" устидан қийин ғалабани келтирди  63 20:43Элит ОЧЛ. "Насаф" ўз майдонидаги жанговар ўйинда "Ал Ҳилол"га ютқазди  303 20:10Суперлига. "Динамо" ўз уйида "Шўртан"дан устун келди  12 19:50Моуринью ЕЧЛнинг янги формати ҳақида: "Ўзингиз рўбарў келмайдиган жамоаларга ўрнингизни бўшатиб бериш ғалати"  5 19:18Испания Суперкубоги учрашувлари санаси маълум  6

Григорий Колосовский: "Иккинчи голдан кейин ташаббусни рақибга топшириб қўйдик" News

Григорий Колосовский: "Иккинчи голдан кейин ташаббусни рақибга топшириб қўйдик"

Про-лиганинг 6-тури доирасида "Олимпик" билан учрашувдан кейин "Локомотив" бош мураббийи Григорий Колосовский матбуот анжуманида иштирок этди.

- Майдоннинг ҳар бир қаричида кураш жиддий кечди, албатта, урилган голгача. Катта ҳудудий устунликка эга бўлдик. Яна ҳар доимгидек яратган вазиятлардан фойдалана олмаяпмиз. Биринчи даврадаги ўйинни инобатга олсак, бу баҳсни принципиал десак бўларди. Учрашувга яхши тайёрландик. Рақиблар дарвозамиз ёнида бирорта хавфли вазиятга эга бўлишмади. Биз эса яратаётган вазиятларимиздан фойдаланишни билишимиз керак. Албатта, жамоамизга саволларим бор. Урилган иккинчи голдан кейин ташаббусни рақибларга бериб қўйдик. Аслида биз босимни давом эттириб, учинчи, тўртинчи голларни ҳам уришимиз керак эди. Бироқ биз ташаббусни тўлиқлигича рақибларга бериб қўйдик ва индивидуал футболга ўтиб олдик. Паслар орқали хужумга чиқишимиз керак бўлганди, лекин биз индивидуал сифатларга таяниб қолдик. Шу сабабли рақиб ярим майдонида тўпни жуда кўп йўқотдик. 

- Акаки Шулая ўтган ўйиндаги каби захирадан майдонга тушди ва ўзини кўрсатди. Уни "сеҳрли таёқча" сифатида захирадан туширяпсизми?

- Бу ерда гап "сеҳрли таёқча"да ҳам эмас. У асосий таркиб футболчиси. У ўйинга тўлиқ тайёр эмасди. Мураббийлар штаби эса уни захирада қолдиришни лозим топди. Мана бу асосий сабаб.

- "Локомотив"даги ёш футболчилар Шодиёр Шодибоев, Қувончбек Абраев ҳамда Озодбек Ўктамов ҳақидаги фикрингизни билмоқчи эдик.

- Барча футболчиларга имконият беряпмиз. "Олимпик"да уларнинг тенгдошлари ўйнамоқда, улар ўз тенгдошлари ёнида ўзларини кўрсатишлари керак эди. Янада кўпроғи бўлиш учун ривожланиш, жамоада ажралиб тура олиш керак. Ҳар доим қарз эвазига яшаб бўлмайди. Бугун берилган имконият эртага бўлмаслиги мумкин. Шодиёр, Қувончбек ва Озодбек бу имкониятдан фойдаланишлари керак. Мураббийлар штаби уларга ишоняптими, бундан фойдаланиб кетиш керак. Бугун сен ўйнашинг мумкин, ўйинга тайёр бўлмасанг эртага таркибга умуман киритилмайсан.

- Иброҳим Йўлдошев қачон сафга қайтади?

- У шу стадионда жароҳат олганди. Ҳозирча у тайёр эмас. У кейинги ўйинларга тайёрланмоқда. 

- Олдинда "Бунёдкор" билан кубок ўйини кутиб турибди. Бу "Локомотив" учун ҳал қилувчи баҳс ҳисобланади.

- Ҳа, биз учун бу ўйин ҳал қилувчи. "Бунёдкор" 6 очко тўплаб бўлган. Биз эса ўзимизни хотиржам ҳис қилишимиз учун "Бухоро"ни мағлуб қилишимиз керак эди. Бу ўйинда биз ғалабага яқин эдик. Бироқ яратилган вазиятлардан фойдалана олмадик ва стандартлардан кейин иккита гол қўйиб юбордик. Қарши ҳужумлардан кейин яхши вазиятларга эга бўлгандик. Бу рақиб билан яхши ўйнагандик ҳам. Агарда яратилган вазиятларимиздан фойдаланганимизда "Бухоро" мағлуб бўлган бўларди. Энди "Бунёдкор" майдонида ғалаба учун курашишга майдонга тушамиз. Энди бу баҳсни унутиб, кейингисини ўйлаш керак.

- Эртага Самвел Бабаяннинг туғилган куни. Самвел Вячеславович "коридор"дан ўтадими?

- Менимча бўлади. Жамоа, албатта, туғилган кун билан табриклайди. Улар ушбу ғалабани Самвел Бабаянга бағишлашди. Агар эртага бўлмаса ҳам 20 май кунги машғулотда "коридор" уюштирамиз. Клуб, жамоа туғилган кунни нишонлайди. 



Rating:    

Comments

championat.asia
< show latest news
Яндекс.Метрика