Григорий Колосовский: "Иккинчи даврада чемпионлик учун курашни давом эттирамиз"
30 jun 2016 22:47
News

Григорий Колосовский: "Иккинчи даврада чемпионлик учун курашни давом эттирамиз"

"Обод" - "Пахтакор" (1:4) учрашувидан кейинги матбуот анжуманида меҳмонлар мураббийи ўйин ҳақида фикрларини билдирди.

"Қизиқарли ўйин бўлди. Иккала жамоа дарвозаси олдида кўплаб вазиятлар содир бўлди. Биз ўзимиз яратган вазиятлардан голлар уришга эришдик. Рақиб эса бундай қила олмади.

Рақиб охирги поғонада бораётган бўлса ҳам уни осон ютамиз деб майдонга тушмагандик. "Обод" ҳурматга лойиқ жамоа. Улар фақат битта ўйинда йирик ҳисобда ютқазишган, қолган баҳсларда кичик ҳисобларда мағлуб бўлишган.

Биринчи давра тугади ва биз пешқадамдан 11 очко ортда қолаяпмиз. Биз чемпионлик учун курашишда давом этамиз. Мавсум бошида кўплаб очколарни йўқотганимиз учун шундай вазиятга тушиб қолдик. Аммо иккинчи даврада курашамиз ва пешқадамлар орасига қайтишга ҳаракат қиламиз", - дейди Колосовский.

Link :

Source : championat.asia

Receive latest football news directly on your phone. Subscribe for our Telegram channel!

Rating: +8