Григорьев ва Эшбўтаев ҳам "Динамо"да

Жамоа таркибида ўзгаришлар бор. Куни кеча жамоа сафига “Нефтчи”дан Жасур Азимов ва Амиржон Сафаров қайтиб келганлиги ҳақида хабар берган эдик.

Ҳозирда жамоа машғулотларига ўтган мавсумни Жиззахнинг “Сўғдиёна” клубида ўтказган 21 ёшли дарвозабон Шоҳруҳ Эшбўтаев келиб қўшилган. “Машъал” клуби тарбияланувиси саналмиш Шоҳруҳ 2013 йилги ўсмирлар ўртасидаги Жаҳон Чемпионати иштирокчиси саналади.

Шунингдек, бугун “Динамо” сафига Навоийнинг “Қизилқум” клуби сафидан марказий ҳимоячи Виктор Григорьев ҳам келиб қўшилди. Ўтган мавсумда “Қизилқум” шарафини ҳимоя қилган 22 ёшли бўйдор ҳимоячи мураббийлар кўригида иштирок этмоқда.