Горецка келаси ёзда "Бавария"дан эркин агент мақомида кетиши мумкин

Мюнхен клуби 26 ёшли немис билан шартномани узайтиришдаги музокараларда қийинчиликка учрамоқда.

Футболчининг вакиллари Леон йилига 20 миллион евро маош олишини талаб қилишмоқда, "Бавария" эса йилига 10дан 12 миллион еврогача тўлашга рози.

Вазиятни "Манчестер Юнайтед", "Реал" ва "Барселона" кузатмоқда ва у билан келаси ёзда шартномаси тугагандан сўнг битим имзолашга тайёрлар.

Горецка 2020/21 йилги мавсум жамоа таркибида 32та ўйинда майдонга тушиб, 8та гол ва 9та ассист қайд этди.