Голбанга Россия жамоалари қизиқмоқда
28 may 2018 12:09
News

Голбанга Россия жамоалари қизиқмоқда

"Насаф"нинг россиялик ҳимоячиси Игорь Голбаннинг хизматларига бир қатор жамоалардан қизиқишлар бўлмоқда.

Қисқа фурсатда "Насаф" жамоаси етакчиларидан бирига айланган Игорь Голбан "Насаф"да қоладими деган савол кўпчиликни қизиқтирмоқда.
Айни пайтда клубдаги молиявий ҳолат ёмонлашгани кўплаб футболчиларни жамоадан кетиб қолишларига сабаб бўлмоқда. Яқиндагина жамоа лагерини Жасур Ҳасанов тарк этганди. Шунингдек, яна бир қатор футболчилар ёзда жамоадан кетишлари кутилмоқда. Шу хусусида Игорь Голбан билан боғланганимизда, футболчи айни пайтда "Насаф"да шартномаси борлиги сабабли ҳеч бир жамоа билан музокара ўтказмаётганини таъкидлади. Аммо унга Суперлига ва Россия клубларидан қизиқиш мавжудлигини футболчи тасдиқлади.

Игорь Голбан клубдаги вазиятни кутмоқчи ва кейинчалик якуний қарорни қабул қилишни режалаштирган.